Davao City- Dili na i-extend ang registration sa mga botante nga mahuman karong Setyembre 30, 2021.
Sa interbyu sa RMN Davao kang Commission on Elections (COMELEC) Asst. Regional Director Gay Enumerables, aron maakomodar ang mga buot magparehistro taliwala sa hagit sa COVID-19, nagpadayon ang extended Voter hour registration nga gisugdan niadtong Agosto 23, 2021.
Sumala ni Enumerables, dili maka apil ang Davao City sa Nationwide Simultaneous mall voter’s registration karong adlawa, Setyembre 11 tungod na-disapprove ang request sa COMELEC nga Mayor’s permit alang sa maong aktibidad subay sa gipatumang Executive Order sa nagkataas karon nga kaso sa COVID-19.
Hinuon padayon ang voter registration sa Magsaysay ning syudad, Lunes hangtod Biyernes alas-8:00 sa buntag-7:00 sa sa gabie samtang sa adlawng Sabado ug Holidays gikan alas-8:00 sa buntag-5:00 sa hapon.
Sa datos as of September 9, 2021, anaa na sa 340,740 ang nakaparehistro na sa COMELEC XI diin sa Davao City musumada sa 76,348 ang nakaparehistro, Davao del Sur 46,210, Davao Occidental 11, 357, Davao del Norte 86, 463, Davao de Oro 70, 585 ug Davao Oriental 49,804.
RadyoMaN Aimee Guinita
