Nalipay ang Comelec Reg. 10 sa gipasalig ni Senate Pres. Koko Pimentel sa
katawhan, nga mahinayon ang Brgy. ug SK elections karong Mayo katorse ning
tuiga.
Matud ni Comelec regional director Atty. Renato Magbutay, nga migaan ang
ilang gibati human nasayran gikan kang Sen. Pimentel nga dili na masibog
ang piliay sa Mayo.
Gisiguro usab sa maong opisyal nga 80% na silang andam alang sa maong
kalihokan, gani ang mga materyales na lamang gikan sa kauluhan ang ilang
gihulat aron makompleto na ang ilang pagpangandam alang sa eleksyon.
Dugang pa ni Atty. Magbutay, nga bisan sa nanggawas nga mga hungihong nga
masibog ang piliay, apan sa gihapon nagpadayon ang ilang pagpangandam.
Gani, ang ulahi na lamang nilang himuon ang pagpahigayon og training alang
sa mga magtutudlong mahimong Board of Elections Inspectors kon B-E-I.
