Indi basta nga magpangampanya sa social ang mga kandidato kundi kinahanglan nga magparehistro ang mga ini paagi sa pag-impormar sa Education and Information Department sang Comelec Manila, suno kay Atty. Duque Kadatuan, Election Supervisor sang South Cotabato.
Samtang aminado si Atty. Kadatuan nga mabudlay naman nga i-identify ang bogust account ukon fake account.
Ginatugyan naman sang Comelec opisyal sa mga botante kon magapati sa ginahimo nga pagpangguba sa isa ka kandidato paagi sa social media kag yara naman sa kandidato nga ginaguba ang pagpasaka sang kaso kon may ebidensya sa ginahimo batok sa ila.
Paklaro man ni Atty. Kadatuan nga hugot nga ginabawal sang komisyon ang paghatag sang underwear nga may pangalan sang kandidato, ini ang kadungan sang pag-umpisa na sang campaign period sa local level.
