Dagsa pa gihapon ang nagduso sa Certificate of Candidacy (COC) nga buot mukandidato alang sa Barangay ug Sangguniang Kabataan (SK) elections sa nagkadiayang buhatana sa Commission on Elections sa probinsiya sa Bukidnon.
Sa interview sa RMN Malaybalay ngadto kang Provincial Election Supervisor Atty. Stalin Baguio, gibutyag ninii nga padayon lang ang pagdawat nila sa aplikasyon hangtod karong adlaw nga Biyernes.
Ugaling matud pa adunay ma-disqualify dili pa kini Makita sa karon hangtod dili ma mahuman ang filling sa Biyernes (April 20).
Matud usab ni Malaybalay City Election Officer Atty. Chubasco Caiña, nga mas maayong sa buntag mo file aron bugnaw pa ang ulo sa mga mukandidato.
Sa mga gusto pang mugukod sa kandidatura, mamahimo usab mag-download sa COC forms sa official COMELEC website nga www.comelec.gov.ph.
