TACLOBAN CITY – Syahan nga filing han Certificate Of Candidacy dida han Sabado sanglit an mga madalagan kumo Barangay ngan SK officials in nagfile na hiton ira kandidatura ha mga tagsa-tagsa nga COMELEC offices.
Ha datos tikang ha Commission On Elections, umabot ha 7,962 an nagfile han candidacy ha bug-os nga Region 8 dida han Sabado ngan Dominggo.
Ha interview han RMN kan COMELEC Regional Director Nick Mendros, mayada 4,390 Barangay an Region 8 sanglit gutiay la ini nga nagfile para ha iya.
“Gutiay la ini, baga nagsusurusarabot pa ada ini hira kun hn-o it madalagan. Maaram man kita nga kapira napostpone an Election.”
Sigurado sumala han opisyal nga adto magbubugiot an pag file han Certificate Of Candidacy ha mga COMELEC offices tulo ka adlaw antis an deadline.
