Davao City – Bisan pa man sa mensahe ni Presidente Rodrigo Duterte sa iyang State of the Nation Address (SONA) nga i-postpone ang Barangay ug Sangguniang Kabataan (SK) Election sa sunod tuig, giklaro sa Commission on Elections (COMELEC)-XI nga padayon gihapon ang ilang preparasyon alang niini.
Sa interbyu sa DXDC RMN Davao kang Atty. Krisna Samantha Caballero, spokesperson sa COMELEC-XI, gibutyag niini nga magpadayon ang ilang pagpangandam hangtud nga walay balaod nga hingpit nga magsuspinde niini.
“Since wala pa man goy baloaod nga nagamando sa amua nga i-suspend kini, magpadayon gihapon ang preparation namo sa COMELEC para sa May 11, 2020 na Barangay and SK Election,” saysay ni Caballero.
Samtang gipasabot ni Caballero nga kung aduna nay ipakanaog nga balaod o kamanduan, diha pa sila mudeklara og suspensyon.
“Kung naa nay balaod nga mugawas o ipasa sa atong congress nga mo-suspend gyud, ato na syang i-suspend but for now kasi wala man gud tay balaod nga nagbutang or naghatag sa atoa nga ma-suspend,” tataw ni Caballero.
Kahinumduman nga nagbaton og suspensyon sa Barangay ug SK Election niadtong October 2017 subay sa Republic Act (RA) 10952 diin gisibog kini sa 2018.
RadyoMaN Kirby Manzon
