Commander sa 4th ID, bag-o na

Bag-o na ang commander sa 4^th Infantry Division, Philippine Army sa Camp Evangelista, Patag ning syudad sa Cagayan de Oro.

Kini human gihimo kaganihang buntag ang Change of Command and Retirement Ceremony alang kang Major General Ronald Villanueva sa 4^th ID.

Si Major General Villanueva, pulihan ni Brigader General Franco Nemesio M. Gacal nga gikan sa 402^nd Brigade, Philippine Army.

Nasayran nga si Major General Villanueva nagsilbi isip Commander sa 4^th ID sulod sa usa ka tuig ug unom ka bulan.

Ang seremonyas gipangulohan ni Lt. General Macairog Alberto, Commanding General sa Philippine Army.