BACOLOD CITY — Ginapangabay sang nagapungko karon officer-in-charge sang Bacolod City COMELEC Office ang mga lokal kag national nga mga kandidatu nga i-observe ang common poster areas sa ila pagpangtakud sang campaign materials para sa midterm elections.
Suno kay Bacolod Election Officer in Charge Ann Janette Lamban nga ini sa atubang sang iya nagapanguna nga himuon sa iya pag-assume sa Bacolod nga amo ang paghatag daku nga pagtamod sa pagpanghukas sang mga illegal campaign materials.
Ginpahayag ni Lamban nga ang pagpanghukas sang mga posters nga wala ginabutang sa designated nga poster area amo ang iya nagapanguna nga himuon matapos nga nagsugod na ang iya trabaho sa Bacolod sadtong nagligad nga Huwebes.
Pahayag pa sang OIC election officer nga pagatutukan man niya ang pagpaidalum sa training sa mga katapo sang electoral board kag mga poll clerks.
Nagalaum man si Lamban ngamangin madinalag-on ang patigayunon nga piniliay diri sa ciudad sang Bacolod./ Agnes Apostol
