Community Pantry ipahigayon Sto. Niño Cathedral karong adlawa

35

Pagadian City – Mabate gihapon ang diwa sa paginambitay sa mga gasa nga nadawat gikan sa kahitas-an pinaagi sa Community Pantry nga ipahigayon sa Santo Niño Cathedral Diocese of Pagadian karong adlawa sa may alas 9:00 sa buntag.
Kining maong Community Pantry namugna isip pagpahaum sa ika-500 ka tuig nga kristianismo sa Pilipinas ug ika-50 ka tuig nga kasumaran sa pagkatukod sa diocese of Pagadian.
Ang maong diosnong aktibidad nagdala sa temang “Ang kinasing-kasing nga paghatag makatabang ug dako sa mga nanginahanglan.
Tungod niini gidasig ang tanan sa pagpaambit sa mga grasyang nadawat gikan sa kahitas-an aron matabangan ang mga nanginahanglan gumikan sa kalisod sa nasinatian gumikan sa Covid-19.
Ang tiningob nga paghatag sama sa bugas, dilata ug uban pa gihangyo nga e-repact daan ayha ibilin sa Pantry.
Ug ipahimutang sa Cathedral Canopy, gi awhag gihapon ang katawhan nga mokuha lang base sa adlaw-adlaw nga panginahanglanon.
Gibutyag ni Rev. Fr. Elbin Sabandal matod pa biya nga gikinahanglan nga mosunod sa minimum health protocols sama sa pagsuot og face mask ug face shield og pagintinar sa physical distancing.
Anaa usab ang presensya sa mga gwardiya nga maoy mag sanitize sa mga mosulod ug mag assess sa mga katawhan aron nga malikayan ang panagtapok.
Gidugang pa niya nga kinahanglan mosunod sa linya sa entrance nga bahin dayon mogawas sa exit gate sa kilid sa cathedral human makakuha sa iyang panginahanglan.//CCTO Sto. Niño Cathedral

Facebook Comments