Gisaulog karon sa Bureau of Jail Management and Penology kon BJMP Cagayan de Oro City Jail ang Community Relations Service Month.
Matud ni Jail Officer 3 Orly Montalban- ang Information and Communication Relation Service Officer sa BJMP-CDO, nga tibuok bulan kini nga kasaulogan ug daghan ng aktibidad ang ilang gihimo.
Tumong niini, nga makita sa komunidad kung unsay mandato ug trabaho sa BJMP-CDO, ilabi na ang mga jail officers nga na assign sa Cagayan de Oro City Jail Male Dormitory.
Tema sa maong kasaulogan ang ‘’Magbantay, Mag-ugnay, ug Magmalasakit’’
Samtang dili na ‘’binilanggo’’ o ‘’inmates’’ ang tawag karon sa mga priso sa Cagayan de Oro City Jail kon dili tawgon na kining Persons Deprived of Liberty kon P-D-L.
Matud ni JO3 Montalban nga ilang mandato nga mabantayan ang mga PDL ug ugmaron o i-develop pinaagi sa mga intervention programs.
Gawas niini, aduna usay programa sama sa sports, religious ug livelihood program nga alang sa mga PDL.
