Roxas City, Capiz – Ginahulat na lamang ang pag-aprobar ni Capiz Governor Esteban Evan Contreras para sa complete total banning sang pagsulod sang anuman nga sahe sang mga pork products sa probinsya.
Suno kay Provincial Veterinarian Dr. Leonel Abordo, katuyoan sini agud nga matapna ang paglapta sang African Swine Fever(ASF) virus sa Capiz pinaagi sa pagsulod sang mga processed products halin sa Luzon area.
Suno diri, sa subong may yara sang banning sang pork products sa Capiz apang ini ang indi “complete banning” kon sa diin mahimu sa gihapon makasulod ang mga pork products nga may yara sang nagakaigo nga permits base sa ginpaguha nga memorandum sang DILG sa mga LGUs.
Ginpunto ni Abordo nga indi ini assurance nga makasiguro nga wala sang contamination sang virus.
Mahibaluan nga sa subong, hugot nga ginapatuman sa probinsya sang Aklan, Negros Occidental kag probinsya sang Iloilo ang total banning sa mga pork products sa ila nasakopan.
