Confidentiality sa identity sang mga estudyante nga mapaidalom sa HIV testing, dapat suno pa seguraduhon.

Dapat nga seguraduhon lang nga confidential ang identity sang mga estudyante sa tion nga magpositibo sa balatian nga HIV ukon maprotektahan sila agud malikawan nga palayuan sila ukon mabully.
Ini kadungan sang paghimo na nga balaud nga indi na kinahanglan pa ang parent consent sa pagpaidalom sa HIV testing sa mga kabataan edad 15-anyos pataas.
Samtang, suno kay South Cotabato Schools Division Supt. Isagani dela Cruz suportado nila ang nasambit nga tikang tungod nagapati sila sa kaalam sang health sector agud nga maprotektahan ang mga kabataan batok sa nasambit nga balatian.
Apang suno kay Sir dela Cruz, kinahanglan nga mapaintiendi sa mga ginikanan ang nasambit nga tikang tungod para man suno pa ini sa ila mga kabataan.
May-angot sini, suno kay Dr. Rogelio Aturdido Jr., Provincial Health Officer sang South Cotabato ang istratehiya nila nga himuon amo nga ang mga napaidalom sa HIV testing nga mga estudyante ang pakadtuon lang sa HACT clinic kag ihambal negatibo man ukon positibo agud nga magapabilin nga matago ang ila nga identity.
Ginpahayag man ni Dr. Aturdido nga kon mahimo kuntani ang bata lang ang makahibalo kon positibo sa HIV, apang kinahanglan dire ang guidance sang ginikanan.