Local officials nga ginasiling nagasuporta suno pa sa NPA, dapat lang nga pangalanan, Governor Fuentes kampanti nga wala nalakip.

11

Kinahanglan nga pangalanan kon sin-o nga mga local officials sa pungsod ang ginasiling nga nagasuporta sa New People’s Army ukon NPA agud nga indi madudahan ang tanan, suno kay South Cotabato Governor Daisy Avance Fuentes.
Ini matapos nga suno kay DILG Secretary Eduardo Año base sa intelligence report, 349 ka mga national kag local officials nga ginalakipan sang 11 ka mga gobernador, 5 ka mga Vice Governors, 10 ka Board members, 55 ka Mayors, 21 ka Vice Mayors kag 41 ka mga konsehal kag 8 pa ka mga Brgy officials ang natumod nga ginahalinan sang pinansyal nga suporta sang CPP-New People’s Army (NPA) paagi sa extortion money kag Permit to Campaign (PTC) fees.
Lakip man suno pa sa ginahalinan sang pondo sang komunista nga grupo ang halin sa 11 ka mga anay local government unit officials, 10 incumbent congressmen kag isa ka anay Kongresista.
Samtang, kampanti siya suno kay Governor Fuentes nga wala siya nalakip sa 11 ka mga gobernador nga nagasuporta sa terorista nga grupo tungod siya gani ang ginaralihan kag posible gani ang nagahakot kag nagahatag kwarta sa mga raliyista ang nalakip sa amo nga listahan.

Facebook Comments