General Santos City— Gigakurat ni South Cotabato 1st district Congressman Jun Acharon ang nahitabong pagronda sa panimalay ni Maasim Mayor Anecito Lopez Jr.
Kung asa iyahang gilauman nga mahinlo sa nahisgutan ang iyahang pangalan kung wala man lang kini kalambigitan sa illegal nga aktibidad.
Pamahayagan ni Congressman Acharon nga pinaagi sa ubay-ubay nga mga nakumpiska sa kampanya sa illegal nga druga, naga-trabaho gyud ang otoridad aron mahinluan ang nasud.
Dugang pamahayag ni Cong. Acharon nga human ang operasyon kang Mayor Lopez, pagpakita matud pa kini sa gobyerno nga dili lang mga yanong katawhan ang apektado sa kampanya batok illegal nga druga kundili bisan na ang mga anaa sa posisyon.
Dili man usab siya mukumento sa pamahayag sa PDEA nga si Lopez maoy lider sa pinakadakong sindikato sa druga sa rehiyon 12. Kini gumikan mas maayong paabuton nalang matud pa ang dangatan sa maong kaso gumikan wala man sa listahan sa presidente ang nahisgutan.
