Pormal na nga nakig alyado si Zamboanga del norte first district Cong. Seth frederick Jalosjos sa regional party nga mao ang Hugpong ng pagbabago ni Davao City Mayor Inday Sarah Duterte-Carpio.
Kahinumduman niadtong adlawng lunes nipasalig ang tulo ka national political parties ug 6 ka local parties nga ilang suportahan ang mga senatorial candidates nga i endorso ni Davao city Mayor Inday Sarah Duterte Carpio karong umaabot 2019 elections, gipahibalo usab sa mator nga dili siya magpapili karong umaabot nga eleksyon.
Nipirma para sa pagkig alyansa ang tulo ka national parties nga mao ang Nacionalista Party (NP) ni National Dir. Sen Cynthia Villar, National People’s Coalition (NPC) Sec. Gen Former Cong. Mark Llandro Mendoza, ug National Unity Party (NUP) President Cong Fredenil Castro.
Ang maong kasubutan lakip nga mipirma ang 6 ka local political parties gikan sa nagkadaiyang parte dinhi sa nasud sa pilipinas. Gilangkuban kini sa Alyansa Bol-anon Alang sa Kausaban (ABAKA) sa Bohol ni Norris Oculam, Serbisyo sa Bayan Party (SBP) sa Quezon City ni Vice Mayor Joy Belmonte, Kambilan sa Pampanga ni Gov. Lilia Pineda, Ilocano Timpuyog or Nacionalista Party – Ilocos Norte chapter Gov Imee Marcos, PaDayon Pilipino sa Misamis Oriental ni Atty Nadya Emano Elipe, ug ni Aggrupation of Party for Progress (APP) dinhi sa Zambanga del Norte ni Cong. Bullet Jalosjos.
Gibutyag pa ni Davao del norte Gov. Del Rosario tumong sa maong alyansa aron masiguro nga suportahan ang political agenda ni Pangulong Duterte.
Ang hugpong ng pagbabago, gilauman nga mo indorso kini ug 8 ka mga senatorial candidates kinsa mo suporta sa administrasyon ni Duterte samtang ang upat niini abli kini para sa uban nga partido.
Sa wala pa nakig alyansa si Cong. Bullet Jalosjos sa Hugpong ng pagbabago, una na usab kining nanumpa sa PDP- Laban ilawom sa pagpanguna ni kanhi house speaker Pantaleon Alvarez. Kini karon ang angayan atangan sa katawhan dinhi sa Zamboanga del norte kun dili ba kini mobiya sa PDP-Laban human sa iyang pagpanumpa sa HNP.
