Padayon pa nga nagpaalim sa samad pinusilan ang biktima human kini gipusil sa iyang nakalalis nga igsuon didto kini nahitabo sa may Brgy. New Siquijor, lungsod sa Mutia ning probinsya sa Zamboanga del norte nahitabo kini niadtong adlawng lunes Agosto 13, 2018.
Ang biktima mao si Roger Malin Etol, sakop kini sa CAFGU nga anaa naka destino sa New Siquijor, Mutia, kinsa gipusil mismo sa iyang magulang nga si Sopiño Etol sakop usab sa CAFGU nga naka destino sa Upper New Dapitan, Conception, Mis. Occ, pulos kini sila residente sa nashisgutan nga barangay.
Sa nakuha nga impormasyon sa imbistigador 8:00PM niadtong adlawa, nagkalalis kining manghod nga mao ang biktima ug ang person of interest nga iyang magulang didto sa balay ni Joel Etol nga igsuon ra usab sa biktima ug person of interest, sa wala madugay kalit lang matod pa nadungog nila ang masipa nga buto sa homemade 12 gauge shotgun ug maayong pagka igo sa paa sa biktima.
Human sa maong insidente dali kining gidala sa balay tambalanan ang biktima samtang ang magulang niini dali nga miikyas sa wala masayring direksyon.
Dali usab nga naghimo ug operation ang mga tinugyanan sa baload uban sa Mutia MPS, 5th IB alpha Coy, mga tanod ug BPATs didto malampuson nilang naaresto gilayong gidala kini sa istasyon sa PNP.
Kagahapong adlawa gipasakaan na ug kasong Frustrated Murder didto sa korte aron panubagan ang salaod nga iyang nabuhat.
