General Santos City— Gipaklaro ni South Cotabato 2nd District Cong. Dinand Hernandez nga dili gyud syento porysneto sa mga gipangayo sa kaigsuunang Moro ang nalakip sa Bangsamoro Organic Law.
Sumala niya nga 70 porsyento sa sulod sa B.O.L ang alang sa ilahang kaayuhan samtang ang nahibiling 30 porsyento nga wala naapil ang gumikan sa isyu sa constitutionality.
Pamahayag niini nga bisan ug guhatagan ug kagawasan ang mga Moro ilalom sa B.O.L nagpabilin gihapon silang kontrolado sa nag-inusarang batakang balaud sa nasud.
Dugang pamahayag ni Cong. Hernandez nga human mapirmahan ni Pres. Duterte ang maong balaud, mas maayong obserbahan una ang kaayuhan nga mahatag inay nga magreklamo gumikan sa mga buot nilang probisyon nga wala nahatag.
Higayon matud pa nga magmalmpuson ang pagdumala sa mga lugar ilalom sa Bangsamoro Organic Law, mamahimo sila nga makapangayo ug dugang gumikan angayan matud pa sila nga makaangkon niini.
Pamahayag niini nga dili sayon bag-uhon ang konstitusyon apan dili matud pa lisod mangayo ug pabor sa gobyerno higayon nga adunay maayong resulta ang maong B.O.L.
Pag-angkon ni Cong. Hernandez nga dili gyud tanang sektor ang adunay lapad nga pagsabot sa hisgutanang kalinaw.
Saysay niini nga aduna pay daghang grupo nga kinahanglang hatagan ug pagtagad sama nalang sa bangsamoro islamic freedom fighters kon biff.
Apan dako ang iyahang panghinaut nga pinaagi sa Bangsamoro Basic Law ilahang makit-an ang sinsiridad sa gobyerno nga maangkon ang kalinaw ug mahuna-hunaang walay mayong dala ang paghupot ug armas.
