“Dire angay ine mag-inaraway kay mayda man kita environmental laws ngan napapansin ta iton ka importante gihapon hiton pagmimina, tungod han components nga naibubulig han mga produkto han mina. Pero kun dire kita magbantay ngan kun an ira mga concern la an ginansya ngan pakabuhi, dida kita nagkaka problema” siring ni Libanan.
Dugang pa ni Libanan, nakatalaan na an iya pagpatawag hin conference ha mag nagtatag-iya han mining companies, sugad man han mga opisyales han LGU ngan probinsya agud ayaton nga mabaton an mga “issues ngan concerns” han mga residente han Homonhon.
“Akon tatalinguhaon nga ipaabot an mga concerns han mga brgys ha Homonhon, ngan mahimo iupod ha ira social responsibility hin pag himo hin maupay nga drinking water ha walo nga barangay. Ngan kinahanglan hira mahibaro nga sinulod hira ha Homonhon, nagkaada hin epekto ha comfort zone han mga tawo,” dugang pa ni Libanan.
“Kinahanglan tagan ta hira hin security hit ira hunahuna it ira future, kay dako iton nga concern iton environment degradation. Very real an global warming ngan kinahanglan kita, we should be a model municipality hiton environmental laws ha pagigin mining community.”
Ha kaluyo nga bahin, an LGU han Guiuan ha pamumununo ni Mayor Annaliza Kwan in nagpadangat han ira ginpapatuman nga comprehensive development plan ha isla.
Ine nga plano in lakip han koordinasyon ha tanan nga mga may kalabutan nga mining companies ngan ahensya han gobyerno ha pag develop ngan restoration ha isla.
“Ine nga amon comprehensive development plan for homonhon island, covers the 5-development agenda; agriculture, environment, social, livelihood and tourism,” segun ni Kwan.
