*Roxas City, Capiz- Bugal sang BJMP Regional Office-6 ang isa ka jail officer nga halin sa Capiz matapos ini ang nag-top 5 sa nagtapos nga Tactical Shotgun Training Course nga ginpatigayon sa PNP NCRPO Firing Range 3 sa Camp Bagong Diwa, Bicutan Taguig.*
*Si Jail Officer 1 Vernie Lariga sang Roxas City- BJMP, amo ang nagrepresentar para sa rehiyon-sais kun sa diin ini man ang isa sa mga ginhatagan pasidungog sa ginpatigayon nga end-of-training ceremony sa BJMP headquarters sa Quezon City, Hunyo 06, 2018.*
*Nahibaloan nga maluwas diri, ikatatlo naman ka beses nga ginkilala nga bilang “Outstanding BJMP Officer” si Lariga.*
*Ang nasambitan nga tactical training ang ginpasakopan sang 7 ka mga jail officers ranks, 22 ka mga non-jail officer ranks kag tatlo ka mga police non-commissioned officers(PNCOs) halin sa nagkatuhay nga mga rehiyon sa pungsod Pilipinas.*
*Ini ang ginpatigayon halin Mayo 21 tubtob Hunyo 5, 2018 sa pagpatikasog sang BJMP National Headquarters kapartner ang PNP NCRPO-Regional Learning and Doctrine Development Division.*
*(c)- BJMP*
*tags:Visayas,Roxas,DYVR,DYVR657,Capiz,BJMP-Roxas,Tactical Shotgun Training Course,BJMP Regional Office-6,jail officer,PNP*
