Roxas City, Capiz- Liwat na naman nga ginpamatud-an sang mga taekwondo jins halin sa Capiz ang ikasarang sang mga ini sa international competition sa patag sang taekwondo.
Ini matapos nga tatlo sa mga atleta nga kabahin sang delegasyon sang Capiz ang nakakuha sang mga bulawan nga medalya.
Ang taga-President Roxas nga Mark Joefel Fabraquel sang Capiz Commercial School ang nakakuha sang duha ka gold medal sa Poomsae kag Kyorugi.
Si Mary Chelsea Joan Hinola sang Malipayon Village Roxas City kag naga-eskwela sa Capiz National High School ang nagpangibabaw batok sa mga kasumpong sini kag nakuha ang duha ka bulawan nga medalya sa Poomsae kag Kyorugi./
Samtang ang bugal sang Jamindan nga si Rove Marie Erpelua ang nakakuha sang gold medal sa patag sang Kyorugi kag bronse medal naman Poomsae. Si Erpelua ang estudyante sang Capiz State University-Main Campus.
Ang 12th World Taekwondo Culture Expo ang ginpatigayon sang Hulyo 12 tubtob 17, 2018 sa Muju, South Korea. Samtang kaupod naman sang nasambitan nga mga atleta ang coach sang mga ini nga si Mr. Joven Venancio.
photo © Mr. Joven Venancio/Venancio Taekwondo Academy- CATA
