Gikunpirma ni Lone District Congressman Frederick Siao nga supak siya sa nagpadayong gipatuman karon nga Curfew Hour sa syudad.
Kini gumikan halos magduha naman katuig natapos na ang kagubot o giyera sa marawi city hinungdan nga wala nay rason pa nga magpatuman pa ug curfew hour.
Hinuon niadtung miulbo ang kagubot sa marawi pabor si Siao sa gipatumang curfew hour aron mapakgang ang bisan unsa man nga binuhatan sa mga dautang element.
Apan karon nga hapsay na ang marawi city ug ang dakbayan nalang sa iligan ang nagpatuman sa curfew daw sa dili na makatarunganon tungod daku kaayo kini ug epekto alang sa mga negosyo.
Nagtoo si Siao nga ang negosyo mao’y usa sa aspeto aron makapalambo sa natad sa ekonomiya sa usa ka syudad.
Facebook Comments
