Ya demiti ya na fuesto el Consejal Charlie Mariano durante el session enantes aga.
Este desfues ya servi ya el Commission on Elections con el decision donde ta manda conele evacua con su presente fuesto como consejal del destrito uno siguiendo con el desisyon del COMELEC 1st Division donde ya manda servi con el writ of execution con el city election office el disqualificacion con Mariano.
El acting COMELEC Chairman Christian Robert Lim ta manda con el City Election Office aqui na ciudad implementa insiguidas con el mensyonao orden donde personalmente si Atty. Stephen Roy Cañete ya servi con el desisyon del COMELEC na session del Sangguniang Panlungsod enantes aga.
Ya queda emosyonal si Mariano y el mga myembros del consejo cuando ya recivi con el desisyon si Mariano-Bhong Simbajon/RMN NEWS
