General Santos City—patay ang usa ka seaman human kining gitigbas sa usa ka karpentero sa may Purok Banualan, Barangay Tambler ning dakbayan sa Gensan.
Biktima giilang si Melchor Coronado, legal age, residenti sa maong lugar, samtang ang suspek giilang si Joseph Galagate, legal age, residenti sa samang lugar.
Sa inisyal nga imbistigasyon sa Tambler Police Station nasuta nga ang suspek nga si Joseph Galagate maoy gapanday sa gipatukod nga boarding house sa biktimang si Coronado.
Kaganinang buntag dihang naglalis ang suspek ug ang biktima gumikan sa sweldohanay sa gipatukod sa nahisgutan nga boarding house nga misangko ngadto sa pagpanigbas sa suspek sa nahisgutan.
Paspas nga misibat ang suspek human sa insidenti samtang ang biktima wala na nadala pa sa ospital human nakabsan gilayon sa iyang kinabuhi. Sa karon nagpadayon pa sa ilang imbistigasyon kalabutan sa maong insidenti ug gipangita pa ang suspetsado sa krimen.
