*Gisulong sa gatusan ka mga sakop sa rebeldeng New People’s Army ang construction company sa Barangay Eureka, Gingoog City, Misamis Oriental nga giunhan ni Kumander Dahon nga sakop sa Guerilla Front Committee. *
*Matud ni Police Supt. Ruel Lami-ing ang hepe sa Gingoog City Police Station nga ang Equiparco Construction Company ang gisulong sa mga rebelde kung asa gidala niini ang ilang tulo ka trak nga maoy gisakyan sa pagsibat. *
*Gipahayag sa project engineer nga si Tim Joseph Pepe nga gibati silag kahadlok human lakip sa gidala ang iyang mga personal nga gamit human siya giatangan samtang sakay sa iyang pick-up. *
*Nagtuo usab ang kapolisan nga pagpangilkil ang motibo sa pagpanghadlok ilabina nga gi-hostage sa grupo ang ilang tulo ka empleyado. *
*-o0o-*
*By: Kasamang Ellah Baculio*
