Target karon nga masugdan ang construction sa Visayas-Mindanao Interconnection Project karong umaabot Enero 2019 ug target nga mahuman sa December 2020.
Atol sa annual general membership meeting ug partners forum of the Mindanao Business Council (MinBC) niadtong unang bahin ning bulan sa Disyembre, ang National Grid Corporation of the Philippines (NGCP) mi-presentar sa updates alang sa umaabot Visayas-Mindanao Interconnection Project.
Ang kinatibuk-ang proyekto naglangkob sa 93-kilometers (km) overhead alternating current (AC) transmission line (TL), usa ka 204-km overhead direct current (DC), ug usa ka 92-km DC submarine cable nga magkonekta sa Cebu ngadto sa Davao del Norte.
Ang submarine cable nagbaton ug initial capacity sa mokabat 150 megawatts (MW) apan nagbaton ug probisyon nga maka-increase sa iyang capacity ug hangtud sa 900 MW.
Duha ka Cable Terminal Stations (CTS) ang target usab nga ipahimutang sa: (1) San Carlos, Southern Cebu ug ang laing duha ipahimutang sa dakbayan sa Dapitan, ning lalawigan sa Zamboanga del Norte.
Ang CTS maoy butang diin ang transmission lines ug ang submarine cables ang magkonekta. Sa Mindanao, gikan sa Dapitan CTS, ang linya gilaumang molatas paingon sa Aurora, Zamboanga del Sur (138 kv TL; 30 km) paingon sa Kauswagan, Cagayan de Oro City (230 kv TL; 50 km).
Ang pre-construction phase sa maong interconnection project ang gilaumang magsugod Disyembre karong tuiga ug target nga mahuman sa bulan sa Agosto sa sunod nga tuig. (M.L)
