ILOILO CITY – Luyag maimbestigahan ni Agriculture Sec. Emmanuel ‘Manny’ Piñol ang construction sang esplanade sa Iloilo river nga naka-apekto sa mga mangroves.
Suno kay Piñol ginmanduan niya ang Bureau of Fisheries and Aquatic Resources nga magpangusisa bangud kabahin sang palangisdaan ang mga mangroves nga apektado.
Ginsiling ni Piñol nga maswerte ang Iloilo bangud may mangroves pa ini sa tunga sang syudad.
Nagakatingala si Piñol kun ngaa gub-on ang natural nga katahum sang lugar agud lamang jogging-an sang mga tawo.
Ginhimo ni Piñol ang pahayag kasunod sang iya nakita nga construction sa Iloilo river sang nagtabok ini sa isla sang Guimaras kahapon.
Ang lugar nga apektado amo ang ginapatindugan sang slope protection sang esplanade 4-6 halin sa Iloilo bridge sa diversion tubtob sa Muelle Loney sa City Proper.
