Patay ang isa ka construction worker matapos nga gin-buno sang mag-utod sa compound sang isa ka funeral homes sa dalan-Lacson, area sang Barangay 9, syudad sang Bacolod.
Ang biktima ang nakilala sa kay Jovan Benz Pastor, 26 anyus, residente sang Barangay Balintawak, syudad sang Escalante.
Ang suspek nga mag-utod nga lunsay man mga construction workers ang na-identify nga sanday Joenard Constancio, 25 anyus sang Barangay Kapayawan, banwa sang Isabela kag Ariel Constancio, 27 anyus, sang Barangay Lagaan, banwa sang Calatrava.
Suno sa hepe sang Police Station 1 – Police Major – Jovil Sedel nga hubog ang biktima sa diin nag-maoy ini sa sulod sang gina-construct nga compound kag iya gina-sumbag ang magulang nga Constancio.
Nagbalos naman ang manghod nga si Joenard kag gin-buno ang biktima gamit ang kutsilyo, samtang nagkuha man sang kutsilyo ang magulang kag nag-dugang buno sa biktima nga gintuna-an naman sang iya kamatayon.
Ang mag-utod ang gilayon nga nagpalagyo matapos sang krimen apang nadakpan man sa ginpatigayon nga hot pursuit operation sang Police Station 1.
[image: image.png]
