Mukabat sa P200,000.00 ang piyansa nga girekomenda batok sa suspek nga usa ka construction worker nga wanted sa kasong Attempted Rape nga nadakpan sa operasyong gipahigayon sa mga kapulisan pasado alas 2:15 sa hapon adtong Domingo didto sa Sitio Tampulong, Barangay Cacaon, Talakag, Bukidnon.
Giila ang suspek nga si Darmin Pacuño, 30 anyos, ulitawo, construction worker ug residente sa naasoy nga lugar.
Gipangunahan sa mga personahe sa Talakag Municipal Police Station ang maong operasyon inubanan sa 1st Bukidnon Police Mobile Force Company (PMFC) ug Bukidon Police Intervention Unit pinasikad sa gahom sa warrant of arrest sa kasong Attempted Rape nakadokit ilawom sa criminal case no. 19-01-6760 nga gi-issue ni Jeanne Marie Abarrientos-Sabio, Presiding Judge sa Regional Trial Court (RTC), Branch 11, Manolo Fortich, Bukidnon pinitsahan Enero 11, 2019.
Gikustodiya na karon sa Talakag Municipal Police Station ang suspetsado alang sa tokmang disposasyon.
Facebook Comments
