Kasong rape ang giatubang sa 22 anyos nga construction worker nga si Junrey Valdhueza nga taga- Zamboanga del Sur, human kini nasapong mimolestiya sa 20 anyos nga dalaga gamit ang tudlo sulod sa C.R sa usa ka club sa Hayes-Tiano Street ning dakbayan niadtong miaging kadlawon.
Matud ni Police Senior Insp. Glenn Abalde, ang hepe sa Divisoria Police Station nga gipamugos pa sa suspek nga igo lamang niyang gitabangan ang biktimang maka-CR, tungod kay dili na kini makabarog gumikan sa grabeng kahubog.
Dugang pa sa suspek nga imposibleng mahimo niya ang paglugos sa biktima tungod kay daghang tawo nga mogawas ug sulod sa CR.
Tungod niini, gipatug-an ang bouncer sa maong club kinsa maoy aktong nakasapon sa gihimo ni Valdhueza ngadto sa hubog nga biktima, hinungdang dali niyang gibira ang suspek ug gisumbong sa kapolisan.
By: Radyoman Ellah Baculio
