Davao City – Patay ang usa ka construction worker human misukol sa awtoridad atol sa gikasang buy bust operation sa Philippine drugs Enforcement Agency kun PDEA XI kauban ang sakop sa Sta ana PNP alas 9:10 kagabii didto sa San Vicente, Gotamco, Brgy. Leon Garcia, Agdao siyudad sa Davao.
Ang napatay naila sa pangalan Jupeth Paylado, 28 anyos nga nagpuyo sa maong lugar.
Sumala pa positibong napalitan ang suspek og usa ka sachet sa gituohang shabu apan dihang nakabantay nga ang iyang gikatransak mga sakop sa police kalit kining mihulbot sa iyang .38 caliver revolver dayon pusil ngadto sa kapolisan apan abtik naka retaliate og pusil ang mga police resulta sa hinanaling kamatayon sa suspek.
Daling gidala sa Southern Philippine Medical Center si Paylado apan gideklara na kining dead on arrival.
Nakuha sa suspek ang laing upat ka sachet nga shabu nga adunay estimated st market value nga P25,000.
Sa gilusad nga parallel investigation sa SOCO Team narekober gikan sa crime scene ang usa ka unit .38 caliver revolver, lima ka bala ug usa ka basiyo sa 9mm empty shells.
Ang patayng lawas sa suspek anaa pa sa morgue sa SPMC.
RadyoMan Don Pulayao
