Patay ang usa ka construction worker human nahulog ug natabunan sa mga construction materials kagahapong adlawa sa Opol, Misamis Oriental.
Kini ang gikumpirmar ni Police Chief Inspector Evarey Bacunawa, Hepe sa Opol Municipal Police Station sa interview sa dxCC-RMN Cagayan de Oro.
Matud ni Police Chief Inspector Bacunawa nga naghimo og water reservoir ang biktimang si Mark Anthony Pacaldo kauban ang laing upat pa ka mga lalaki.
Gibutyag sa hepe nga gidala usab sa ospital ang laing upat pa ka mga construction workers human samaran sa maong insedente.
Sa karon nagpadayon pa ang imbestigasyon sa kapulisan sa Opol.
Facebook Comments
