Construction worker, patay matapos ginluthang sang riding-in-tandem sa Taft North, Mandurriao

242

ILOILO City – Patay ang isa ka construction worker matapos ginluthang sang riding-in-tandem sa Taft North, Mandurriao alas 5:54 kahapon sang hapon.

Ginkilala ang biktima kay Marvin Vasquez, 34 anyos sang Bakhaw, Mandurriao .

Base sa imbestigasyon sang kapulisan, nagapungko sa kilid sang karsada ang biktima agud nga magkuha sang iya sweldo upod ang mga katrabaho sang gindulugan sang riding-in-tandem kag ginluthang sang makapila ka beses.

Anum ka empty shell sang .9mm caliber pistol ang narecover sa lugar sang insidente.

Suno sa iloy ni Marvin nga si Monina Vasquez, 54 anyos, wala sang kontra sa ila lugar ang anak.

Gin-ako man niya nga nagagamit sang illegal nga droga ang anak sang una apang iya ginpamilit nga nagbag-o na ini bangud nahadlok ang anak sa sunod sunod nga pagpamatay sa mga drug personalities.

Padayon ang imbestigasyon sang Mandurriao PNP angut sa insidente .

Photo from web

Facebook Comments