Labangan, Zamboanga del Sur – Gitambalan karon sa pribado nga ospital ang 23-anyos nga babaye nga contact tracer sa Rural Health Unit sa lungsod sa Labangan human napunggitan ang motorsiklo nga iyang gimaneho dihang dapita sa National Highway, Brgy. New Labangan, Labangan, Zamboanga del Sur alas 7:45 kagabii November 29, 2021.
Naila ang biktima nga si Sabrian Pending Ayunan, 23-anyos, residente sa Lower Campo Islam sakop sa lungsod sa Labangan.
Naila usab ang driver nga nakapunggit nga si Dante Regis Martir, 58-anyos, Project Manager sa AC Tumang Construction ug residente sa Maranding, Lala, Lanao del Norte.
Sa inisyal nga imbestigasyon nasayran nga samtang nagdagan ang Toyota Hilux, color puti nga nagtangag plaka Numbero CBL 7519 nga gimaneho ni Martir paingon unta kini sa dakbayan sa Pagadian apan aksidente nga napunggitan ang Honda XRM 125, nga gimaneho sa biktima nga babaye nga si Ayunan.
Nisulay unta og ikyas ang driver sa hilux apan gumikan sa damyos nga nahiaguman sa iyang ligid nasakpan kini sa Brgy. Tawagan Norte niining syudad nga karon gipaslak na sa Labangan MPS detention facility.
