Subling niataki ang rebelding New Peoples’ Army (NPA) didto sa brgy. Banahao, Lianga, Surigao del Sur pinaagi sa pagsunog sa container van sa DOLE Philippines nga nagkarga ug saging padulong sa Davao city.
Mokabat sa 15 ka mga armadong lalaki nga sakop sa Guerilla Front Committee 19 sa NPA ang niharang sa container van bandang alas 12:20 sa udto kagahapon ug gilayung gisunog.
Walay laing motibo nga nakita si Col. Andres Centino, brigade commander sa 401st Brigade Philippine Army, kondili extortion kon pagpangilkil nga sumala pa dugay nang gihimu sa mga rebeldi.
Possible usab nga diversionary tactic ang gihimu sa NPA tungod sa nagpadayung combat operation sa sundalo sa lugar.
Aminado si Col. Centino nga dili syento por syentong masiguru ang kaluwasan luyu sa ilang seguridad nga gipatuman tungod sa kalapad sa area of responsibility.
unsa ang inyong ikasulti sa gihimo sa NPA?
​
