Porcausa con el susto nuay dayun fuede relata el chuffer del un ten-wheeler container van con el situaccion cuando ya cay na camino ya bien suena el cosa le ta carga 20-footer container enantes aga na Barangay Sta. Maria.
Asegun con el chuffer, staba sila yah ace hatud carga na bodega donde desfues ya pasa sila devirti para na camino frontera lang del Iglesia de Sta. Maria amediante del aguasero, sin sentir ya man sabit el cabisera del container na mga bitay linya de coriente na lugar rason para cay este na camino paparao.
Bueno ya lang cay nuay algun motorista el ta sigui na detras del cargo truck aquel tiempo.
Ya causa fesao condiccion de trapico el acsidente na lugar, donde ya espera pa con otro trailer para hala con el container y pone coneste na lugar para desaleja na camino. *– Bhong Simbajon/RMN News*
