CONTRACTOR YA ASEGURA FUEDE ACABA EL PIPELAYING NA FIN DEL MEZ

14

Ya asegura el contractor del Zamboanga City Water District(ZCWD) ya dale aseguramiento cay fuede sila acava con el proyecto del pipelaying na fueblo na fin de este mez de Setyembre.
Asegun con el ESTI consultant Engr. Nonong Sta.Elena, na final phase ya el diila ponida del mga grande tubo na fueblo y solamente el mga inter-connection ya lang sila ta hace acaba y el sementada del mga box culvert donde locao el mga koneksyon.
Si Sta. Elena ya abla cay ta finaliza ya lang sila con el ultimo mga preparasyon para el clearing del diila construction sites que ta destorba con el mga motorista.
Cuantos mga camino que ya grevata ya acaba ya restora el ESTI para fuede ya utiliza coneste el publico y govierno local na conducta del actividades para na Zamboanga Hermosa Festival prinsipiando pecha-uno del mez de Octubre. -Bhong Simbajon/RMN News

Facebook Comments