Coordinating conference, gipahigayon sa kapulisan sa probinsya alang sa umaabot eleksyon

Gipangandaman karon sa kapulisan sa Bukidnon ang umaabot Piniliay pinaagi sa pagpahigayon og Coordinating Conference uban sa mga nagkadaiyang ahensiya kagahapon.

Sa interview sa RMN Malaybalay ngadto kang PMAJ. Jiselle Longakit, Spokesperson sa PNP-Bukidnon, gibutyag niini nga kagahapon gipahigayon ang Regional Joint Security Coordinating Council meeting uban ang mga nagkadaiyang ahensiya nga gipangunahan sa Commission on Elections (COMELEC).

Dugang pa ni Longakit nga wala sila nagpaubos sa ilang seguridad aron na usab mapangandaman ang umaabot piniliay.

Gisulti usab ni PMAJ. Longakit nga dugay ra nahan-ay ang deployment plan sa kapulisan kalabot sa umaabot piniliay apan posible pa kini nga mabag-o depende sa sitwasyon sa matag area.

Mapasalamaton usab si Longakit nga sa pagkakaron, wala pa usay natala nga election related incidents apan dili sumala pa sila magpakampante ug padayon ilang pagpahigayon sa mga checkpoints aron masiguro ang seguridad sa katawhan.