Gikondena sa Cagayan de Oro Press Club kon COPC ang bag-ong insidente sa pag red tagged sa mga kaubanan sa media.
Kini mao silang Cong Corrales, kasamtangan nga Associate Editor sa Gold Star Daily ug si Froilan Gallardo, Correspondent sa MindaNews nga parehong mga miyembro sa COPC.
Basi sa gipagawas nga press statement sa COPC nga walay basihan ang maong akusasyon.
Sila Cong Corrales ug Froilan Gallardo, naila nga mga beteranong journalist, kinsa nabantog sa ilang pagbalita sa kamatuoran.
Dili mahimong basihan nga ilhong usa ka sakop sa rebeldeng komunista ang mga journalist, nga mikuha og impormasyon gikan sa mga non government entities.
Gihagit niini ang mga otoridad nga palaluman ang ilang imbestigasyon sa nahitabong pag red tagged sa mga sakop sa media, ug ipapanubag sa balaod.
