Wala masayud si Corporal Dexter Rey Caguing kinsa nadestino sa Mobile Patrol Unit sa Cagayan de Oro City Police Office kon COCPO kung nganong gireklamo siya sa sa pagpanion og armas sa ilang lugar.
Sa interview sa dxCC-RMN, gibutyag ni Corporal Caguing nga igo lamang siya nakalabay sa tindahan kauban ang iyang uncle ug amahan kung asa didto usab ang mga bata.
Dugang pa ni Corporal Caguing nga niadtong tungora dunay gipalit sa tindahan ang iyang Uncle Nene, busa iyang naistorya ang duha ka menor de edad.
Gane iya pa kining gipangtambagan nga magtarong sa pagtuon, dayong lakaw uban sa iyang amahan ug uyuan.
Matud ni Corporal Caguing nga tarong siya nga klase sa pagkatawo sa iyang barangay busa dili tinuod ang nanggawas nga akusasyon batok kaniya.
Mahinumduman nga gireklamo si Corporal Caguing sa 14 anyos nga lalaki human matud pa gitionan og armas sa dihang nagdumili nga moinom sa alak.
