BACOLOD CITY – Nagpanguna si Bacolod City Councilor Caesar Distrito sa mga konsehal sa Sangguniang Panlungsod nga may pinakadamo nga napasar nga ordinansa sini nga tuig.
Nahibaluan nga si Distrito ang nangin author sang kapin napulo tanan ka city ordinances lakip na diri ang Anti-Smoking Ordinance nga estrikto na karon nga ginapatuman diri sa ciudad sang Bacolod.
Nagpanga-duha ci Councilor Em Legaspi – Ang nga may siyam tanan ka napasar nga ordinansa lakip na diri ang paghatag sang Philhealth coverage sa mga Barangay Health Workers kag Barangay Nutrition Scholars.
Nagpangatlo naman Councilor Dindo Ramos nga may tatlo ka napasar nga ordinansa lakip na diri ang kontrobersyal nga Riding-in-Tandem Ordinance.
Nagpang-apat naman si Councilor Cindy Rojas nga may duha ka ordinansa nga napasar kag sanday Councilor Renecito Novero naman kag Councilor Sonya Verdeflor ang may tig-isa ka napasar nga ordinansa.
As of November 2017, ang SP ang may na-aprubahan nga 28 ka mga ‘ordinance’ kag 1409 ka mga ‘resolutions.’
