Magapasaka kaso si Councilor Wilson “Jun” Gamboa Jr. kasunod sang pagpirmahanay na sang kontrata sang Bacolod City Water District (BACIWA) kag Prime Water Infrastructure Corporation para sa 25-anyos nga Joint Venture Agreement (JVA).
Nahibaluan nga si Councilor Gamboa kag ang iya grupo nga Amlig Tubig ang nagakontra sa amo nga lihok sang BACIWA. Sa interview sang DYHB, ginpahayag ni Gamboa nga akig siya sa natabo ilabi pa nga wala man lang gin-imbetar bisan ang union sang mga empleyado sang BACIWA sa pirmahanay sang kontrata.
Nakakuha na sang kopya sang kontrata si Gamboa kag ila ini tun-an kun anu ang mga kaso nga pwedi nila ipasaka batok sa water district bangud para sa iya “highly disadvantageous” ini para sa mga kunsumidor bangud lauman na ang pagsaka sa balayran sa tubig.
Kaangay ini sa natabo suno sa opisyal sa Himamaylan kag Cadiz City nga ginsulod naman sang Prime Water sa diin nagadangat sa 75% ang ginsaka sang ila water rate. Nahibalaun nga maga-invest ang kompaniya sang P6.8 billion para sa 25-anyos nga pagpadalagan sang water district.
[image: image.png]
