ILOILO CITY – Napaslawan si Councilor Jeffrey Ganzon nga mapasar ang iya ordinansa nga nagapenalize sang mga contractors sang mga proyekto sa syudad nga makatuga sang kahalitan sa mga motorista.
Ini bangud gin-question sang mga councilors ang kakulang sang pila ka probisyon sang ordinansa.
Suno kay Councilor Lady Julie Grace Baronda, wala napagkit ang sahi sang violation nga kon makumiter sang contractor mapapana-ugan sila sang penalty.
Paathag ni Baronda indi man specific ang probisyon sang ordinansa.
Subong man nagpanindugan si Ganzon nga ang penalidad napagkit na sa revised civil code gani indi na dapat ibutang pa sa ordinansa.
Bangud luyag matadlong ang ordinansa, ginrefer ini anay sa committee on styles ni Councilor Ed Peñaredondo agud matadlong ang kaundan sang ordinansa.
