Covid TF: Pag-require sa Covid vaxx sa eskwelahan adunay basehan

44
Davao City – Giklaro sa Davao City Coronavirus Disease 2019 (COVID-19) Task Force nga adunay katungod ang usa ka college/university kun Higher Education Institutions (HEIs) nga magpatuman og kaugalingong health protocols batok COVID-19.

Kini human nga adunay mga pribadong eskwelahan sa syudad nga padayong mag-imposar sa palisiya diin tugotan lamang ang bakunadong estudyante alang sa face-to-face classes luyo sa guidelines sa Commission on Higher Education (CHED) sa pagwagtang sa vaccination requirement sa mga estudyante ug pesonahe.

“Students and higher education institution personnel regardless of vaccination status can now participate in face-to-face classes,” matud ni CHED Chairman Prospero de Vera.

Matud ni Dr. Michelle Schlosser, tigpamaba sa Davao City COVID-19 Task Force (sa intebyu sa city-owned radio), pwedeng tumanon sa usa ka institusyon ang national guideline ug pwede usab nga tumanon ang direktiba sa Local Government Unit (LGU) isip ilang basehan.

“Naa silay karapatan nga mubuhat sa ilahang COVID protocol para sa ilaha deem necessary for the safety of their learners and for the safety of their employees,” tataw ni Schlosser.

RadyoMaN Kirby Manzon

Facebook Comments