Nadugangan sang 355 ang kaso sang COVID-19 sa bilog nga Western Visayas.
Base sa Case Bulletin No. 162 sang Department of Health Western Visayas, 336 diri ang local cases, walo ang returning overseas Filipinos (ROF), tig-isa ang authorized person outside residence kag locally stranded individual samtang siyam naman ang padayon pa nga gina-verify.
Sa mga kaso sa rehiyon, 237 ang nagdugang sa syudad sang Bacolod, 48 sa Negros Occidental samtang 40 naman sa syudad sang Iloilo.
Nadugangan man sang 15 ka kaso ang probinsya sang Capiz, 11 sa probinsya sang Iloilo kag tig-duha sa Antique kag Guimaras.
Sa kabilugan man 5,701 cases na sang sakit sa rehiyon kon sa diin 2,752 ang active cases.
134 naman ang nagdugang sa mga nag-ayo sa rehiyon. 84 diri ang halin sa Bacolod, 39 sa Negros Occidental, anum sa Capiz kag apat sa Iloilo City. Nagsaka na sa 2,862 ang total recoveries.
Napatay naman ang isa nga taga-Bacolod rason nga nagsaka sa 87 ang total reported deaths.
[image: image.png] [image: image.png]
