Tagum City – Walay undang ang pagpahimangno sa City Government of Tagum sa Davao del Norte ngadto sa publiko partikular na sa TagumeƱos sa pagsunod sa minimum public health standards batok Coronavirus Disease 2019 (COVID-19).
Nasayran nga tungod sa pagsutoy usab sa kaso sa COVID-19 sa syudad, naklasapika kini sa Department of Health (DOH) nga usa sa high risk cities subay sa assessment sa DOH sa milabay nga bulan sa Hunyo.
Sa report nga gisumite sa DOH-XI sa LGU-Tagum, dunay 40.82% 2 week growth rate (2WGR) sa mga kaso sa COVID 19 ug 9.9% ang average daily attack rate (ADAR) sa syudad.
Tungod sa taas na 2WGR ug ADAR nga hinungdan sa padayong pagsaka sa mga kaso, nahimo nang critical risk area ang Barangay Magugpo, Poblacion, subay sa datus sa DOH XI.
Nahimong high risk areas na usab ang Apokon, Bincungan, La Filipina, Madaum, Magugpo East, Magugpo North, Magugpo West, Mankilam, New Balamban ug Visayan Village.
Giawhag sa City Health Office ang Tagumenyos nga makighiusa sa COVID-19 vaccination aron makab-ot ang herd immunity diin mamahimo nang maka-avail og libreng bakuna pinaagi sa pag pre-register online o pag-adto sa barangay hall/barangay health centers sa ilang lugar.
RadyoMaN Kirby Manzon
