Yara pa sa below critical level ang bed capacity para sa mga COVID-19 patients ng mga patient care centers, ospital, kag isolation ukon quarantine facilities sa bug-os nga rehiyon dose, suno kay Department of Health o DOH 12 Health Education and Promotion Officer Arjohn Gangoso.
Sakop sang mga health facilities ang mga pampubliko kag pribado nga ospital pati na ang mga pasilidad nga ginapadalagan sang local government unit ukon LGU.
Paklaro ni Gangoso, nga 99 lamang sa 397 ka mga hospital beds ang ginagamit sa subong sa mga asymptomatic nga mga pasyente. Sa listahan sang DOH ang 17 ka mga private kag public hospital nga may level 2 kag 3 status nga may kapasidad nga magbulong sa mga pasyente sa COVD-19.
Dugang pa niya nga nakapatukod naman sang kaugalingon nila ka COVID-19 care centers ang mga probinsya sang Sarangani kag South Cotabato kag mga syudad sang General Santos kag Kidapawan.
Ginpahayag niya man nga may masobra lima ka gatos ka mga temporary treatment and monitoring centers sa rehiyon nga kaya nga magbaton sang masobra lima ka libo nga mga suspected Covid-19 cases.
Apang suno kay Gangoso ang mga ini ang ginagamit lamang sa subong sang masobra sa tatlo ka libo nga mga nagpauli nga locally stranded individuals ukon LSIs kag overseas Filipinos.
Kadam-an naman sa mga ini ang nagpaidalom sa 14-day mandatory quarantine, samtang ang iban ang nagahulat naman sang resulta sang ila confirmatory reverse transcription –polymerase chain reaction ukon RT-PCR tests.
Dugang pa ni Gangoso nga may-yara sang bastante nga mga personnel ang mga ospital sa Soccssksargen. Ginkumpirmar man sini nga may-yara sang hiring sa subong ang DOH sang dugang nga mga nurse nga ibutang sa mga rural health units.
