Davao City – Ginapaabot na lamang ang guidelines sa home isolation alang sa COVID patients subay usab sa memorandum orders sa Department of Health (DOH) ug Department of Interior and Local Government (DILG).
Matud ni Davao City Mayor Sara Duterte-Carpio (sa interbyu sa city-owned radio) nga gikatakdang i-release sa publiko ang maong guidelines nga gihimo sa Davao City COVID-19 Task Force pagpangandam sa surge sa COVID-19 cases ug pagkapuno sa isolation facilities sa dakbayan.
Giklaro ni Mayor Sara nga gitugotan lamang ang home isolation alang sa COVID-19 patients nga mild ug asymptomatic o walay gibating simtomas sa virus.
Samtang, wala gitugot ang home isolation alang sa severe ug critical cases o kadtong nanginahanglan og oxgen ug kinahanglang dal-on sa ospital.
“Naa na ang guidelines (sa home isolation). It only needs to be released to the public. Gibuhat na siya sa health group of the response cluster of COVID-19 TF (Task Force). I-release nalang nato sa public. Mag-remind lang ko sa tanan nga kining home isolation dili ni pwede sa mga taong high-risk or kadtong who are already severe or critical (sa COVID-19),” tataw sa alkalde.
Gidugang ni Duterte-Carpio nga ang home isolation adunay kapares nga lockdown o nagpasabot nga dili pwedeng mugawas ang tao sa sulod diin aduna usay mga i-deploy ug i-assign nga otoridad sa gi-lockdown nga lugar aron malikayan ang COVID-19 transmission.
RadyoMaN Kirby Manzon
