Sumala ni Dr. Michelle Schlosser, tigpamaba sa Davao City COVID-19 TF (sa interbyu sa city-owned radio), anaa sa 24 ka tawo ang COVID-19 positive karon nga semana dinhi sa syudad, diin sagad kanila anaa sa isolation facility ug ang uban anaa sa hospital.
Gipasabot ni Schlosser, dili pwede nga i-kompromiso ang ubang mga tawo nga moboto karong piniliay pinaagi sa pagtugot sa nagpositibong indibidwal.
“As of today, wala gyud ‘tay chance nga makagawas ang atoang mga isolated infected COVID positive patients para lang mubotar,” tataw ni Schlosser.
Matud ni Schlosser, kung ang usa ka botante nagpakita og simtomas sa COVID-19 o Influenza-like illness (ILI) symptoms atol sa eleksyon, sila makaboto gihapon sa usa ka isolated precinct.
Dugang sa health official, hugot nga ipatuman ang pagsuot og face mask atol sa eleksyon ug ang 1-meter distancing pagsigurong malikayan ang risgo sa COVID-19.
RadyoMaN Kirby Manzon
