DILG Survey: E-sabong nagdala og mas daghang kadaut

47
Davao City – Human sa pag anunsyo ni President Rodrigo Roa Duterte nga undangon ang online sabong, gi patuman dayon sa Philippine Amusement and Gaming Corporation (PAGCOR) ang temporaryong pag paundang niini.

Sa milabay nga duha ka semana sugod sa pagbutyag sa maong anunsyo, ang Department of Interior and Local Government gitahasan nga maghimo og dinaliang survey nationwide sa impresyon sa katawhan mahitungod sa e-sabong. Kini subay sa mga isyu na nagtuyok sa social media mahitungod sa problema na dala ani.

“Ang desisyon sa Presidente dili lang usa ka simple nga desisyon. Usa kadto ka gigiyahan nga desisyon. Gibase kini sa resulta sa among dinaliang survey,” ingon ni Alex Roldan ang Regional Director XI sa DILG atol sa interbyu sa AFP-PNP Press Corps Briefing sa Royal Mandaya Hotel, Miyerkules, Mayo 4, 2022.

Dungag pa ni Roldan, daghan ang sayangan sa paghunong sa online sabong kay kini makahatag og revenue nga moabot ug 640 milyon ka pesos apan base sa survey dako ang dalang katilingbanong kadaot tungod pwede maka apekto sa mga bata ug sa komunidad.

“The effect is far out twice than the revenue they receive. It is not about revenue generation, it is about stabilizing society ”Ang epekto labi ka doble kaysa kita nga ilang nadawat. Dili kini mahitungod sa pagmugna og kita, kini mahitungod sa pagpalig-on sa katilingban,” ingon ni Roldan.

Kannedale P. Diaz & Aiven Egnio, DNSC Intern

Facebook Comments