Sumala ni Dr. Michelle Schlosser, tigpamaba sa Davao City COVID-19 Task Force (sa interbyu sa city-owned radio), kinahanglang gilayon mapailawom sa swab test ang symptomatic diin kini libre nga gitanyag sa City Government of Davao.
“For those who participated Kadayawan (Festival), please observe yourselves for the next two weeks na gikan sa inyong activities. Observe for any COVID-related symptoms – kalintura, sore throat, kalibanga. Those are the things that you need to observe,” sulti ni Schlosser.
Matud sa health official, hugot karon ang ilang pagmonitor sa COVID-19 cases diin ginaobserbahan ang epekto sa Kadayawan Festival duha ka semana human sa aktibidad.
As of August 26, 2022, anaa sa 13-15% ang COVID-19 positivity rate sa syudad.
Padayon gihapon ang panawagan ug pag-awhag sa tanan nga magpabakuna aron maprotektahan ang kaugalingon kung mataptan man sa COVID-19.
RadyoMaN Kirby Manzon
